‘మహీంద్రా’లో మహీ ఉంది.. ధోనీకి ఆనంద్ మహీంద్రా ప్రత్యేక అభినందనలు

ముంబైతో మ్యాచ్ లో చివరి వరకు నిలిచి చెన్నై జట్టు విజయానికి కారకుడైన మహేంద్ర సింగ్ ధోనీపై ప్రశంసల జల్లు పెద్ద ఎత్తున కురుస్తోంది. ప్రముఖ క్రికెటర్లతోపాటు, మంత్రి కేటీఆర్ సహా ఎందరో ధోనీ ఇన్నింగ్స్ పై అభిప్రాయాలు తెలియజేయగా.. ప్రముఖ పారిశ్రామికవేత్త ఆనంద్ మహీంద్రా సైతం స్పందించారు. ‘‘MAHI-NDRA లో MAHI అన్న అక్షరాలను కలిగి ఉన్నందుకు సంతోషిస్తున్నామని తెలియజేస్తున్నా. అద్భుతమైన ముగింపు’’ అని ఆనంద్ మహీంద్రా ట్వీట్ చేశారు. 

ముంబైపై చెన్నై విజయానికి సాధించాల్సిన పరుగులతో పోలిస్తే ఉన్న బంతులు తక్కువ. అయినా ధోనీ ప్రశాంతంగా క్రీజులో ఉండి చివరి ఓవర్ లో చెలరేగి పోవడం తెలిసిందే. ఆనంద్ మహీంద్రా ట్వీట్ కు భారీగా లైక్ లు పడుతున్నాయి. చెన్నై సూపర్ కింగ్స్ జట్టు సైతం మహీంద్రాకు ధన్యవాదాలు చెబుతూ అద్భుతంగా స్పందించింది. మనలో ఆనంద్ ఉన్నాడంటూ ట్వీట్ పెట్టింది.