Publicnowtelugu ఆంధ్ర ప్రదేశ్ ముఖ్యమంత్రి వైఎస్ జగన్ మోహన్ రెడ్డి రేపు ఒంగోలు వెళ్లనున్నారు. ఒంగోలు పర్యటనలోజగన్ వైఎస్సార్ సున్నా వడ్డీ పథకం మూడో విడత పంపిణీ కార్యక్రమంలో పాల్గొంటున్నారు. రేపు శుక్రవారం ఉదయం తాడేపల్లిలోని నివాసం నుంచి హెలిప్యాడ్ వద్దకు చేరుకుంటారు . తాడేపల్లి నుంచి ప్రత్యేక హెలికాఫ్టర్లో బయల్దేరి ఒంగోలు రైల్వే స్టేషన్ దగ్గర్లో ఉన్న ఏబీఎం గ్రౌండ్ కు జగన్ చేరుకుంటారు.
ఒంగోలు చేరుకున్నాక పట్టణంలోని పీవీఆర్ మున్సిపల్ హై స్కూల్ గ్రౌండ్ లో సభలో మాట్లాడుతారు. ఆ కార్యక్రమం ముగిసిన అనంతరం కొత్తపట్నం బస్టాండ్ సెంటర్ బందర్ రోడ్డులో ఉన్న రవిప్రియ మాల్ అధినేత కంది రవిశంకర్ నివాసానికి మధ్యాహ్నం 12.30 గంటలకు చేరుకుంటారు అక్కడ నూతన వధూవరులను ఆశీర్వదిస్తారు. తరువాత మధ్యాహ్నం 1.05 గంటలకు తిరిగి తాడేపల్లికి చేరుకుంటారు.
