Publicnowtelugu రాజధాని అమరావతి పై సుప్రీంకోర్టు సోమవారం విచారణ జరిపింది. కాల పరిమితితో రాజధాని పూర్తి చేయాలని హైకోర్టు ఇచ్చిన ఆదేశాలపై సుప్రీంకోర్టు స్టే విధించింది. ఈ విషయంలో హైకోర్టు తన పరిధి దాటిందని వ్యాఖ్యానించింది. ఎగ్జిక్యూటివ్ ఆధారాలు హైకోర్టు చేసినట్లు కనబడుతుందని.. ఒకే చోట కంటే వేర్వేరు ప్రాంతాలలో అభివృద్ధి బెటర్ అని వ్యాఖ్యానించింది. ఈ విషయంలో హైకోర్టు జోక్యం చేసుకోవడం సమంజసం కాదని చెప్పింది.
రైతులకు ఇచ్చిన హామీలు అమలు చేయడం ఎలా సాధ్యమని ప్రశ్నించింది. ” హైకోర్టు ప్రభుత్వంలా వ్యవహరిస్తుందా.. అభివృద్ధి అంతా ఒకే చోట కేంద్రీకరిస్తే ఎలా. హైకోర్టు ఏమైనా టౌన్ ప్లానరా.. ఆరు నెలల్లో నిర్మాణం చేయాలంటారా. మీరే ప్రభుత్వం అయితే రాష్ట్రంలో కేబినెట్ ఎందుకు. హైకోర్టు ఈ విషయంలో తన పరిధిని అతిక్రమించింది “. అంటూ సుప్రీంకోర్టు వరుస ప్రశ్నలు సంధించింది. అనంతరం ప్రతివాదులకు నోటీసులు జారీ చేసిన కోర్టు.. తదుపరి విచారణను జనవరి 31కి వాయిదా వేసింది.
