Publicnowtelugu తెలంగాణ హన్మకొండ లో ఘోర రోడ్డు ప్రమాదం చోటుచేసుకుంది. కూలీ పని కోసం వెళ్తూ వాహనాన్ని లారీ ఢీ కొట్టింది. శాయంపేట మండలం లో మాంధారిపేట వద్ద ఈప్రమాదం చోటుచేసుకుంది. ఈ ఘటన లో ముగ్గురు మహిళా కూలీలు అక్కడే మరణించారు. మరో ఏడుగురికి తీవ్రగాయాలు అయ్యాయి. తీవ్రంగా గాయపడిన వారి పరిస్థితి విషమంగా ఉంది. ఈ ప్రమాదంలో రోజూవారీ కూలీలు మృతి చెందడంతో మృతుల గ్రామంలో విషాదం నెలకొంది.
అంతే కాకుండా మరో ఘటన జయశంకర్ భూపాలపల్లి జిల్లా లో చోటు చేసుకుంది. జయశంకర్ భూపాలపల్లి జిల్లా మొగుళ్లపల్లి మిర్చి తోటల్లో పనిచేసేందుకు 25 మంది కూలీలు వెళ్తుండగా మరో ప్రమాదం చోటు చేసుకుంది. కూలీలతో వెళ్తున్న ట్రాక్టర్ ఎదురుగా వచ్చిన లారీ ఢీకొట్టింది. ఘటన స్థలానికి పరకాల పోలీసులు వెంటనే చేరుకున్నారు. తీవ్రంగా గాయపడిన వారిని వరంగల్లోని ఎంజీఎం ఆస్పత్రికి తరలించారు.
